Madhurai, 20 September : Ekta dangor fan Tamil superstar Rajinikanth laga naam te Navaratri festival celebrate koribo karone special upai khojise. Madurai, Tamil Nadu laga itu fan nijor ghar te festival suru hobo age kolu (doll decoration) banai dise. Kintu, God aru Goddess laga murti rakhibo jagate, taikhan nijor favourite star Rajinikanth laga 230 pora besi figurine banai rakhi dise.
ANI ekta video share korise jate fan Karthik Rajinikanth laga figurine ke God nisena puja kore thaka dekha pai ase. Itu kolu pura Rajinikanth laga chobi te decorate kora ase, taikan laga career laga different stage pora. Taikhan steps banai, figurine khan rakhi dise—God nisena dress kori, aru taikan laga famous movie laga look te. Fan itu figurine khan ke aarti diya bhi ase, juntu normally God khan ke di thake.
Juntu manu jane nai, bommai kolu hoise ekta South Indian tradition kutey ghar te figurine rakha jai, mostly God aru Goddess laga. Kintu din barhi jabo karone, modern toys aru diorama bhi include kora shuru hoise.
2024 te, Rajinikanth nijor daughter Aishwarya Rajinikanth laga film Lal Salaam te ekta extended cameo play korise. Taike same saal te TJ Gnanavel laga film Vettaiyan te Amitabh Bachchan aru Rana Daggubati logot ekta cop laga role play korise, juntu film lukewarm review paise. Itu saal, taike Lokesh Kanagaraj laga ensemble film Coolie te act korise, kutey Nagarjuna, Soubin Shahir, Shruti Haasan, Rachita Ram, Upendra, Aamir Khan aru onek actor khan ase. Itu piche, Rajinikanth Nelson Dilipkumar laga Jailer 2 laga shooting kori thakise.
Add Comment