China Coal Mine Gera Nimite 21 Manu Murishe

BEIJING: State media khobor hesab te coal mine laga roof gera nimite manu khan murishe. Etu ghatna toh northern China te hoishe. Rescuers khan khobor kurishe ke etu ghatna te 21 manu murishe. Sunday te duita miners laga dead body paishe koishe.

Official news agency Xinhua pra local authorities khan laga kotha cite kuri kena koishe accident huwa laga samay te mine te total 87 manu khan mati niche te kaam kuri thakishe. Miners khan Shaanxi province mine te kaam kuri thakishe. Etu ghatna toh Saturday din te hoishe.

Xinhua khobor kurishe rescuers khan bachi-kena thaka(remaining) duita fasa miners khan ke bisari thakishe. Hoile bhi Sunday fusur te tai dui jon muri kena paishe. Dusra 66 miners khan toh mine para ek nohoi kena ulabole parishe.

Etu mine laga roof toh kile collapse kurishe etu opor te etiya bhi investigate kuri ase. Etu mine toh privately own kora Baiji Mining para cholai.

China laga privately chola mine khan toh dangor state para chole mine para komti safety precautions loi. Baiji laga registered phone number uthai kena company lag driver koishe accident huwa laga information toh disclose kuribole naparibo.

Driver koishe mine toh chutu scale operation ase. Diver toh tai laga naam diya nai.

China te enika deadly mining ghatna khan toh common ase. Coal minig industry toh safety precautions laga ekdam poor record ase.

Jua saal December te satta miners murishe aro dusra teenta manu toh jokom hoishe. Etu ghatna toh China laga southwest coal mine te hoishe. October 21 te eastern Shandong te miners khan murishe. Etu toh ketiya mine bhitor laga pressure para pathor khan fracture hoishe aro bhangi jaishe. Phator khan bhangija nimite workers khan tunnel te fasi jaishe. Etu te khali ekta miner he bachishe.

China laga National Coal Mine Safety Administration hesab te 2017 te desh te 375 coal mining para manu murishe. Etu toh saal-saal te 28.7 percent namishe.

Bureau Koishe kiman improve kurile bhi etiya bhi coal mine safety production toh etiya bhi grim ase. Etu toh jua January laga coal mine safety conference te bureau para koishe.