PARIS, January 13. /TASS/.French Interior Minister koishe komti hoile bhi 24 manu khan Saturday te jokom hoishe. Etu toh yellow vest protestors khan laga ninth round protest ase. Etu toh Yellow Vests movement para France te organize kurishe.
Total 22 manu khan bishi serious jokom nimite diagnose kurishe koishe. Duita manu toh riot police officer thakishe aro ekta protestor khan toh heart attack hoishe. Aro etu manu toh critical condition te ase.
Sob France laga overall protests te participate kora manu khan laga number toh 84,000 ase. Etu te 8,000 genika manu khan France laga capital Paris laga rasta te protest kurishe.
French capital laga police department koishe 240 manu khan Saturday te France te detain kurishe. Aro etu te 200 genika manu khan toh custody te dishi koishe.
Etu protests toh traditionally Saturday te hoi thaki kena ahi ase. Aro etu protests toh desh laga dangor cities te organize hoi kena ahi ase. Etu dangor cities khan toh Paris, Marseille, Strasbourg, Lyon, Lille, Toulouse aro Bordeaux ase. Aro etu kunba cities khan te toh protestors khan toh police khan logote bhi jhagara huwa khobor paishe. Etu te Paris aro Bordeaux jaga ase. BFM TV channel hesab te agi din laga protests toh dusra din khan genika hoishe. Protest toh January 5 te thakishe. Etu protest te protestors khan journalists khan opor te hamla kurishe. Rouen protest te LCI news channel laga journalists opor te bhi hamla hoishe koishe. BFM laga TV crew bhi Paris te hamla hoishe koishe.
November laga middle moina para France laga rasta te bishi riots hoi ase. Etu riots toh fuel laga daam bishi uthai diya, taxes bishi hoija aro living costs bhi bishi uthai diay nimite ase. Etu demonstrations para police aro protestors khan majote jagara hoi jaishe. Etu protest toh desh laga leadership opor te hoishe. Protestors khan government ke poverty fight kuribole ineffective ase aro insufficient measures luwa laga inzam dishe. Authorities khan para certain concessions banaile bhi Yellow Yest khan pledge kurishe ke tai khan toh rallies khan toh kuri thakibo. Agence France Presse laga hesab te etu nou hafta laga protests te dosjon genika manu murishe aro 1,600 opor manu khan alak alak degree laga jokom paishe koishe.
Add Comment