SAN ANTONIO: Saturday te San Antonio, Texas laga telegenic former mayor Julian Castro toh desh laga first Hispanic president hubole tai lag bid launch kurishe. Julian Castro toh Obama-era te cabinet member thakishe. Julian toh American khan immigration aro border security laga khong debate kora samay te hope aro diversity laga message dishe.
44 umar thaka Castro San Antonio laga historic Guadalupe Plaza crowd ke koishe ami toh United States president kuribole candidate ase. Etu speech te Castro bar-bvar tai khan laga immigration heritage invoke kuri thakishe. Castro laga family toh US te Mexico para ahishe.
Castro ke often bar Democratic Party laga rising star bhi matishe. Castro toh Obama laga housing secretary thakishe aro tai toh cabinet laga youngest member thakishe. Aro Castro toh President Donald Trump ke challenge kuribole diverse field candidates hubole expect kuri ase. Trump Mexico border te wall banabole fund demand kora samay te federal government partly bon huwa samay te Castro para contrasting kotha koishe.
Castro koishe San Antonio city te nearly dui thirds Hispanic ase. Tai khan toh America laga future represent kure. San Antonio toh America laga future toh diverse, fast-growing, optimistic tarika para represent kuri ase.
Castro toh recent saal te presidency bisara Latino background thaka third candidate ase. Castro logote aro duita Republicans ase. Tai khan toh Texas laga Senator Ted Cruz aro Florida laga Marco Rubio. Tai khan 2016 laga primary campaign te Trump ke unsuccessfully face kurishe.
Add Comment