Bhandari, September 25 – Bhandari Town Council para tinta sanitation vehicles dedicate kuri she Summer House-cum-Guest House, Bhandari, Wokha te 24th September 2025 te.
Additional Deputy Commissioner, Bhandari aru Executive Officer, Bhandari Town Council, Longasen Lotha, NCS para appreciate kuri she Bhandari Town Council ke, juntu effort uthai she waste collection aru transportation timely aru systematic banabo karone. Tai janai dishe ki etu initiative khan cleaner aru healthier environment maintain kuribo karone bishi important ase town laga sob ward te.
Chairperson, Bhandari Town Council, Khonthungia Odyuo para highlight kuri she ki sanitation vehicle khan Rural Development Department para provide kora ase under Swachh Bharat Mission, aru dedication pichete operational hobo. Chairperson appeal kuri she sob ward ke cooperation dibole, jate sanitation vehicle khan nijor area te smooth pass household aru open waste collect kuribole karone.
Programme te councillor khan sob nine ward para, Bhandari Town Lotha Hoho, Eloe Hoho, Bhandari Town Students’ Union, Trade Union, Church leader, Dobashis aru Gaonbura khan bhi. attend kuri she. Etu meeting te public vehicle parking zone aru parking tax bisare upor te bhi discuss kuri she, aru tinta site designate kuri loishe Bhandari town bhitor parking zone karone.
Rev. Longshi Lotha, Pastor, Bhandari Town Baptist Church pora dedicatory prayer pronounce kuri dishe. Programme toh T. Likao Odyuo, Deputy Chairperson, Bhandari Town Council para chair kuri dishe
Add Comment