Kiphire, September 25 – District level mock drill ekta, simulate kuri thaka 7.8 magnitude laga earthquake, 12 BN National Disaster Response Force (NDRF) para organise kuri she, District Disaster Management Authority (DDMA) Kiphire laga collaboration te, 24th September 2025 te Kiphire town te. Etu exercise laga main aim ase district laga preparedness aru response mechanism test aru strong banabole major earthquake thakile.
Mock drill shuru kuribole homoi te, ekta Tabletop Exercise (TTX) bhi kurishe 23rd September 2025 te, juntu te response strategy, coordination mechanism aru sob stakeholder laga role review kuirshe. Simulation time te evacuation, search & rescue, first aid, aru relief camp management nishena emergency scenario practice kuirhse jate operational readiness thakibo karone.
Sob important stakeholder aru department representative khan actively participate kuri she. Observer of the drill, Major Rayat, 14 Assam Rifle, Kiphire para feedback te suggest kuri she ki future drill te local participant aru bhi involve kuribo lage. Tai janai dishe ki NDRF, Assam Rifle aru Police laga strength hai sufficient nohoi disaster aftermath te, local manu khan bhi active participate kurile rescue task bishi fast aru effective hobo.
Debriefing time te, DC Kiphire appreciation janai dishe sob team aru department ke juntu involve thakishe drill te. Tai janai dishe ki aahibo thaka mock drill, November 2025 te hobo, aru etu large scale exercise hobo, juntu te school aru college khan bhi involve kuribo.
Add Comment