September 26, 2025, 05:38 PM: Surprise inspection khan laga series tey, government officer khan bhitor tey continue rakhi kena, Deputy Chief Minister – Yanthungo Patton para alag alag department khan tey visit kurishey, Wokha tey, 26th September, 2025 tey.
Itu Deputy Chief Minister ke, Deputy Commissioner Wokha. Vineet Kumar IAS, Wokha laga Superintedent – Relo Aye aru Lotha Hoho aru Lotha Students’ Union laga representative khan para accompany kuria laga thakishey.
Tatey tai khan laga respective President khan bhi thaki kena – Mhondamo Ovung aru Lirhonthung Kithan. Itu issue opor tey address kuri kena, Deputy Chief Minister para acknowledge kurishey ki, bishi staff member khan sincere para tai khan duty khan kuri thaka homoi tey, kunba komti staff member khan misa misi laga absence khan kuria para public service delivery ke dikdari kuridiboley pari asey.
Tai para sob department khan ke discipline aru accountability bukhi thaka thakiboley lagi thaka laga emphasize kurishey, ensure kuriboley karney ki, citizen khan toh hoiley itu service khan pai asey koi kena, kuntu toh hoiley tai khan laga haak asey.
Add Comment