Mizoram laga Bairabi-Sairang Railway Line toh Inauguration kurea pichete bhal para chulea ase

Aizawl, October 6, 2025: Mizoram tee tea passenger aru Traffic khan namea laga bi dikhibole parea ase koishe. Etu toh Bairabi aru Sairang laga Railway line te. Aru etu toh Prime Minister Narendra Modi para September 13 din te Inauguration kurishe koishe. Aru Railway khan laga Officials hisab te. Etu nutun khulea laga line toh bishi bhal para chulea ase koishe. Yete aram para Saman aru ghor banabole laga saman khan bi aram para loijai ase koishe. Aru etu khulea toh 3da train Service dea ase koishe. Yete Aizawl para Delhi te jabole laga Rajdhani Express, Aizawl para Kolkata jabole laga express aru Aizawl para Guwahati Express. Yete Mizoram te thakhea manu khan karne bishi aram kurea dea ase. Aha ja kuribole. Aru etu Bairabi para Sairang railway laga Project. Etu laga Foundation pathor toh Prime Minister Narendra MOdi para dalishe koishe. November 29, 2014 laga saal te. Aru etu ban ate sob milai kina Rs 8,071 Crore nishina jaishe koishe.