Jeddah, 15 October : Saudi Arabia aru Qatar aji 2026 FIFA World Cup karone qualify kuribo latest Asian team hoi jaise. Saudi Arabia Jeddah te Iraq logot 0-0 draw kurise aru Asian qualifier laga Group B te top te uthise. Taikan laga aim ase ki USA 1994 te paina thaka taikan laga best performance ke surpass kuriboley.
Qatar nijor spot earn kurise United Arab Emirates ke Doha te 2-1 harai kene. Second-half te Boualem Khoukhi aru Pedro Miguel laga header, Akram Afif pora assist kora, taikan ke jeet dikhai dise. UAE late te Sultan Adil laga goal pora ekta back marise, kintu itu enough nohoi. Itu hobo Qatar laga second consecutive World Cup appearance, 2022 te group stage exit piche.
Add Comment