Agencies: Friday te White House koishe U.S. President Donald Trump aro North Korean leader Kim Jong Un toh second summit kuribole ase. Etu toh February laga last te hubole ase. Etu toh Asian desh logote rhuki kena thaka nuclear negotiations wapas suru kuribole laga sob para naya kosis ase. Etu announcement toh Trump opor te government shut down huwa laga domestic political blow-back pichet hoishe. Etu summit laga location toh etiya tok decide kura nai. Etu second summit para Trump ke rally supporters karne foreign policy goal nimite point pabole paray koishe.
Pyongyang aro Washington majote olop moina bhitor te tensions toh namishe. Hoile bhi etu kotha te eku guarantee nai ke Kim aro Trump majote US laga tarika para necular hatiyar laga program toh North Korea para accept kuribo. Jua June te etu duita leaders toh Singapore te lok kurishe. Etu toh US aro North Korea laga leaders khan eki logote bhuhishe.
Etu second summit laga khata announcement toh Trump para Oval Office laga Kim Yong-chol laga top North Korean official ke lok kora pichet ahishe.
White House statement te koishe President Donald J. Trump toh Kim Yong Chol logote ek ghonta adha laga meeting bhuhishe. Etu meeting toh denuclearization aro second summit laga laga kotha kurishe. Etu second summit toh February te hubole ase. President toh Chairman Kim ke aro lok kuribole rukhi kena summit laga date laga kotha kuribole rukhi ase.
Add Comment