Iron Structure Hanger Inaugurate Kurishey, Zeliangrong Heraka School Tening Tey

October 28, 2025, 05:46 PM: Ekta Iron Structure Hanger laga inauguration kurishey, Zeliangrong Heraka School, Tening, Peren District tey, kuntu toh hoiley 28^th October, 2025 tey loishey, ADC Tening, Fiirhesie Nyuwi logotey, N.I Jamir Manager (HR) NHIDCL laga samney tey. Itu project toh hoiley itu NHIDCL laga CSR activity under tey kuria laga thakishey, itu 2024–25 laga saal nimitey.

Ekta khata speech deliver kuria homoi tey, ADC Tening, Fiirhesie Nyuwi para itu school laga naam uthai dishey, tai khan laga commendable HSLC result aru over all performance nimitey. Tai para Nagaland laga former Governor – Lt. La Ganesan laga contribution aru legacy acknowledge kurishey, kun laga initiative under tey, itu school toh hoiley eneka nishina laga infrastructure development achieve kuriboley parishey koi kena.

Itu officer para sob manu khan ke encourage kurishey, tai khan support aru contribution toh continue kuri thakiboley, itu school laga growth hobo nimitey. Tai para aru itu school laga authority ke congratulate kurishey, successful para itu inauguration programme organize kuriboley nimitey.