October 29, 2025, 06:33 PM: Youth Resources aru Sports laga Advisor – S. Keoshu Yimkhiung para itu 36th Chessore Area Sports Meet shuru kurishey, 28th October, 2025, Chessore Shamator Tey.
Yimkhiung para tai laga address tey, player khan ke urge kurishey, resilience aru consistency dikhaboley, tai para emphasize kurishey seasonal player nahoi kena, ki, State Government toh hoiley commit thaki kena asey, merit sportsperson khan ke support kuriboley karney, itu Chief minister Dr. Neiphiu Rio laga dynamic leadership under tey, tai para player khan ke urge kurishey, self discipline maintain kuriboley, tai khan nijey ke biya habit khan para durr banai loboley koishey, kuntu toh hoiley tai khan laga health ke dikdar dibo parey, aru tai khan bhal moral integrity banaboley koishey.
Shamator District Football Association, President, Shahoto Yimkhiung para player khan aru ama baba khan ke exhort kurishey, nijey laga bacha khan laga talent khan ke identify kuriboley aru tai khan laga future build kuria tey support kuriboley koishey.
Itu inaugural match toh hoiley, itu defend kuria champion bosti Kuthur village FC aru Initial Star Club Chessore majetey khila laga thakishey, 4-1 para jeeti jai kena, Kuthur Village FC para.
Add Comment