Tuensang, November 6 – MLA Lima Onen para graced kuri dishe Noksen Area Teachers Union laga Silver Jubilee 6th November 2025 te, Noksen Town Baptist Lashong, Noksen, Tuensang te. Etu celebration laga theme hoise “Shaping Minds, Serving Communities.”
Noksen Area Teachers Union toh 2000 sal te establish kuri thaka ase, students khan ke quality education di bole aru area laga education improve kuri bole dikhina.
Lima Onen laga speech te tai “Shaping Minds, Serving Communities” theme upor reflect kuri kina koishe aru teachers khan ke urge kuri dishe ki pura commitment aru dedication para students khan ke quality education di bole serve kuri jabo. Tai koishe ki juntu manu life te karma laga concept bujhe aru sincere para kaam kure, taike blessings aase. Tai bhi confident hoise ki NATU laga existence education sector ke improve aru prosper kuri dishe. Tai encourage kuri dishe union ke nijor journey te retrospect koribole, aru students’ community ke bhal para serve kuri jabole. Tai teachers khan ke bhi inspire kuri dishe ki students khan laga role model banabole jate taikhan bhi bhal path follow koribo paribole.
Etu occasion te short speech bhi dishe S. Yongsen, Pioneer NATU; Phuniang, SDO (C) Noksen; C. Pongsu, President CWS; aru Sipong Chuba, President ANSTS Tuensang Unit para.
Add Comment