CARACAS, Venezuela:Thursday te local media laga khobor hesab te Monday para suru kuri kena Venezuela desh pura te komti hoile bhi 268 protestors khan ke arrest kurishe. Etu toh Venezuela te protests aro jhamela huwa nimite ase.
Pro-government news agency Ultimas Noticias laga khobor hesab te Eastern Integral Defense Strategic Region (Redior) commander Admiral William Serantes Pinto koishe protesters khan ke rasta te jhamela kura nimite aro public order biya kura nimite etu manu khan ke arrest kurishe koishe.
Etu majote opposition laga kunba non-governmental organizations claim kuri ase ke 364 manu khan arrest kurishe aro etu same samay te 26 dusra manu khan murai dishe.
Venezuelan Observatory of Social Conflict koishe etu protests te 26 manu khan ke murai dishe koishe.
Etu genika he Venezuelan lawyers para suru kura Foro Penal (Criminal Forum) human rights organization claim kurishe etu protests 364 citizens khan ke arrests kurishe.
January 10 para Venezuela toh protests nimite bishi dikdar paishe. Etu toh ketiya Nicolas Maduro toh second term nimite kosom loishe. Opposition khan etu opor te vote boycott bhi kurishe. Kunba South American desh khan, Russia aro Turkey khan Maduro logote ekta ase koishe.
Add Comment