November 15, 2025, 03:17 PM: Finance aru Corporate Affairs laga Union Minister- Nirmala Sitharaman para itu Students Advancing Mindsets in AI, Robotics, Technology and Digital Hardware (SAMARTH) initiative launch kurishey, itu National Institute of Electronics & Information Technology (NIELIT), Kohima tey, tai 14th November, 2025 tey visit kuria homoi tey. Itu Minister para ekta exhibition tey tour kurishey, innovation khan showcase kuri kena, startup khan aru student khan para, aru tai India AI Lab aru R&D Cyber Forensics Lab tey bhi visit kurishey, kotey tai para student khan aru faculty member khan logotey interact kurishey.
Itu Union Minister para itu SAMARTH Portal launch kurishey aru ekta interaction session loishey, student khan logotey. Itu maiki khan nimiety financial awareness laga importance opor tey kotha kuri kena, especially itu Northeast tey, tai para note kurishey ki, judi bhi Indian maiki khan toh hoiley tradition para ghor laga finance khan toh effective para manage kuri kena ahishey, itu economic environment budli thaka tey tai khan bhi bujiboley para hisap tey expand hoboley lagibo, modern financial tool khan aru opportunity khan laga. Tai para manu khan ke chutu savings instrument khan, stock market avenue khan aru collateral-free loan scheme khan explore kuriboley encourage kurishey, itu India laga Government para offer kuria laga.
Tai para PM Vatsalya scheme highlight kurishey, kuntu toh hoiley parivar khan ke olop amount save kuriboley allow kurey, bacha khan nimiety, bacha jonom hoa homoi tey para hey, aru pichetey itu saving khan toh provident fund hisap aru pension benefit khan hisap convert kuriboley parey.
Add Comment