November 15, 2025, 03:26 PM: Ekta bishi manu khan ke address kuri kena, Kiphire laga Public Ground tey, 14th November, 2025 tey, Finance aru Corporate Affairs laga Union Minister- Nirmala Sitharaman para koishey, ki, tai laga dui din laga visit Kiphire laga Aspirational District toh hoiley admiration logotey bhorta thakishey, itu scenic beauty nimiety, mount Saramati laga aru itu Naga manu khan laga coulorful culture laga para, aru tai para tai laga tribute pay kurishey itu manu khan ke, itu unique tradition khan aru custom khan preserve kuriboley nimiety, tai khan laga forefather khan laga. Itu Apple Festival admire kuri kena, kuntu toh hoiley Thanamir tey hoi thakey hudai saal, tai para koishey Kiphire toh hoiley rich mineral resources logotey blest asey aru itu jaga tey bishi potential asey, social economic development nimiety.
Tai para itu mention kurishey ki, itu Corporate Social Responsibility (CSR) fund khan toh hoiley itu district tey provide kuriboley aru itu state khan ke bhi. Itu NDA government laga bishi achievement khan assert kuri kena, itu Prime Minister – Narendra Modi laga leadership under tey, tai para koishey itu centre government toh hoiley committed asey, aru itu toh hoiley sob kisim laga development nimitey aru bhi bishi importance di asey, itu Northeast region laga.
Tourism aru Higher Education laga Minister – Temjen Imna Along para tai laga speech tey, itu India laga Government aru Union Finance Minister ke thanks janaishey tai laga visit nimiety aru Corporate Social Responsibility fund khan provide kuria nimiety, Kiphire Aspirational District ke.
Add Comment