Agencies:Southeast Brazil mine te dam bhng nimite teenso manu genika haraishe. Etu hara manu khan ke rescuers khan Friday rati para Saturday tok besarishe. Etu dam bhanga nimite etiya tok te nouta manu laga lash(dead bodies) paishe. Local governor koishe etu harai kena thaka manu khan zinda pabole laga chances toh bishi kom ase koishe.
Etu ghatna huwa laga olop ghanta huwa pichete satha bodies paishe. Etu toh Minas Gerias state laga Belo Horizonte city laga iron-ore mine te hoishe. Etu ghatna toh 1pm saam te hoishe.
Local firefighter koishe Saturday fusur para manu mura laga official number toh nine hoishe. Etiya tok te teenso genika manu khan harai kena ase. Aro nouta manu laga bodies pa nimite poila laga toll apra etiya double hoi jaishe.
150 genika haraija manu khan toh company laga administrative offices te kaam kuri thakishe. Etu office toh dam bhanga jaga osor te thakishe. Mine toh Vale laga thkishe. Vale toh Brazilian mining giant ase. Etu toh 2015 te bhi same state te mine bhanga nimite 19 manu murishe. Aro etu toh desh laga sob para biya environmental disaster laga naam paishe.
Officials koishe tai khan toh pura rati kaam kurishe. Ekso genika fire fighters khan etu ghatna huwa jaga te pothaishe koishe. Mati hatabole nimite earth-moving machinery khan bhi ani kena estimale kurishe koishe.
Add Comment