November 19, 2025: Itu Civil Defence Wardens aru Volunteer khan nimitey ekta ek-din nimitey training loishey, kuntu toh hoiley 18th November, 2025 tey conduct kuria laga thakishey, itu Government Higher Secondary School Auditorium, Wokha tey para. Itu programme toh hoiley Home Guards, Civil Defence, aru SDRF Wokha para organize kuria laga thakishey, community tyaari thakiboley aru response mechanism khan majbut kuriboley laga aim logotey, disaster laga homoi tey.
Itu key note address deliver kuri kena, EAC, Sangmou Khiamniungan para itu eneka nishina laga training programme khan laga importance underscore kurishey, manu laga jaan bachaboley – khali nijey karney hey nahoi, hoielbi pura community khan laga. Tai para state kurishey itya laga jamana tey, kotey natural aru manu para bawana disaster khan toh bishi para hoi jai asey, sob citizen khan toh hoiley thik thak laga gyan logotey, bhabana, aru practical skill khan logotey equip thakiboley lagi asey, effective para respond kuriboley.
Khiamniungan para emphasize kurishey ki, Civil Defence volunteer khan toh khali responder khan ekla hoi hoilebi tai khan toh hoiley community resilience laga pillar khan asey, koishey, kun khan toh hoiley capable asey, risk khan mitigate kuriboley, thik homoi tey action loboley ary coordinate effort para.
Tai para participant khan ke encourage kurishey, training toh serious para loboley, aru resource person khan hisap serve kuriboley koishey, tai khan laga ward khan bhitor tey.
HG, CD aru SDRF aru Deputy Controller Civil Defence Wokha laga Company Commander – Echung Konyak para opening remark deliver kurishey.
Add Comment