Kingston, 24 November : Jimmy Cliff, legendary Jamaican singer juntu Bob Marley logot milikina reggae, ska aru rocksteady music ke world te popular banai thaka, aru juntu laga music career six decade cholithaka, tai expire hoi jai se — tai laga wife Latifa Chambers Monday te Facebook te announce kori dise.
Tai hisab te, tai laga death seizure pichete pneumonia karone hoise.
Jimmy Cliff laga real naam James Chambers, aru tai July 30, 1944, hurricane time te St. James Parish, northwestern Jamaica te jonom loi se. 1950s te tai family farm pora Kingston, Jamaica laga capital te move kori dise, tai laga father logot, music industry te succeed koribo khan determination loi.
14 saal te heithaka time te tai “Hurricane Hattie” naam laga song pora national fame loi dise, juntu tai nijor likhithaka.
Pichete Cliff 30 pora besi album record kori dise aru world laga gaja-gaja jagah — Paris, Brazil aru New York te 1964 te hoi thaka World’s Fair te perform kuroise. 1965 te Island Records laga Chris Blackwell (juntu Bob Marley aru The Wailers ke launch kori dise) Jimmy Cliff ke UK te come kori aru kaam koribo invite kori dise.
Cliff later acting te bhi jai se, aru 1972 laga classic film “The Harder They Come” te starring kori, Perry Henzell laga direction te. Itu movie reggae music ke international audience logot introduce kori dise, aru Jamaican life laga real, gritty side ke world logot dikhai dise — tourist destination pora alag ekta real Jamaica.
2019 te ekta interview te, eyesight lose kori thaka time te, tai koi thakise:
“Jotole moi laga sob ambition achieve kori loi, moi koi dibo ‘great’. Kintu moi ebar bhi hungry ase. Moi bhi chahise. Moi laga upor te still ekta burning fire ase — moi laga heart te bright jalithaka. Aji bhi, moi laga mon te bisi rivers cross koribo baki ase!”
Tai famous hoise “You Can Get It If You Really Want” aru “Many Rivers To Cross” pora, aru popular covers Johnny Nash laga “I Can See Clearly Now” (juntu 1993 laga movie Cool Runnings te use kora) aru Cat Stevens laga “Wild World” pora. Cliff ekta prolific writer thaki humanitarian views tai laga songs te weave kori thakise.
Bob Dylan tai laga song “Vietnam” ke “best protest song ever written” praise kori dise.
Tai laga anti-establishment style only Jamaican hokol laga struggles nohoi, kintu poverty aru oppression majot bhi survive kori thaka joy aru spirit ke represent kori dise. Tai Rolling Stones, Elvis Costello, Annie Lennox aru Paul Simon logot bhi kaam kori se.
2012 te tai GRAMMY Award paise best reggae album karone (“Rebirth”), juntu Rancid laga Tim Armstrong produce kori dise. 1984 te bhi tai “Cliff Hanger” karone Grammy paise.
Tai Jamaican Government pora Order of Merit, arts aru science te highest honour, receive kori se. 2010 te Jimmy Cliff Rock and Roll Hall of Fame te induct bhi hoise.
Add Comment