Guwahati, November 26, 2025: November 25 din te. Yete Counter-Extremism Operation kurea homoi te. Kharupetia Police khan para Munser Ali ke arrest kurishe koishe. Tai toh Kamarpara Bosti para ase koishe. Tai toh alak alak International Extermist Organisations khan logote link thakhishe koishe.
Aru November 26 din te. Ali ke Court laga agea te ani dishe koishe. Aru etu pichete Judicial Court te loi jaishe koishe. Aru tarika khan kuribole nimete. Police khan laga khobor hisab te. Ali toh Arakan Rohingya Salvation Army (ARSA) aru Tehrik-e-Taliban Pakistan (TTP) khan logote bishi bhal para mili kina thakhea ase koishe.
Aru investigators khan laga hisab te. Tai toh Bangladeshi Extremist khan logo tebi contact kurishe koishe. Yete Social Media laga tarika para. Yete para Security phane bishi chinta ase koishe. Aru yete Police khan para taike Sections 147, 148, 152 aru 196 of Bharatiya Nyaya Sanhita (BNS) aru Section 39(2) of Unlawful Activities (Prevention) Act laga botor te dali dishe koishe.
Add Comment