Agencies: Dam gera ghatna pichete murija manu khan ke uthabole aro haraija manu khan ke bisaribole Israel apa tai khan laga army delegations khan ke pothaishe. Etu nimitye Brazil laga President Jair Bolsonaro para Israel ke dhanyabad (thank you) dishe. Etu ghatna toh Brazil te jua moina te hoishe aro etu ghatna te 99 genika manu murishe.
President Bolsonaro, tai laga twitter account te lekhishe Prime Minister Benjamin Netanyahu para tai khan laga himmat thaka Israeli troops khan ke pothai kena rescue mission toh jua kali khotom hoishe. Upni khan laga service nimite Brazilian manu khan laga side para upni khan sob ke dhanyabad de ase.
Israeli delegation toh Col. (res) Golan Vach para lead kurishe. Col. (res) Golan Vach toh Israel laga national search aro rescue unit laga commander ase. Aro etu te 130 genika sepai aro officers thakishe. Etu te active duty aro reserve forces duita bhi thakishe. Aro tai khan majote engineering experts, doctors, aro search aro rescue personnel, firefighters, aro IDF laga underwater missions unit sepai khan bhi thakishe.
Etu ghatna para bishi mati toh dam laga teenso employees khan kaam kuri thaka laga complex tea hi jaishe. Etu dam toh Brazilian mining giant Vale laga thakishe.
Etu nimite osor laga Brumadinho laga osor laga town te flood hoishe. Etu jaga te 39,000 manu laga population ase. Etu ghatna nimite vegetation, farmland aro rasta aro dusra bishi dikdar hoi jaishe.
Thursday rati te IDF tai khan laga rescue mission pura huwa confirm kurishe.
Add Comment