Aizawl, December 9, 2025: Bei dawai Rs. 318 crore laga dam. Aro Burmese para tamul gute ahenei Rs 35 crore laga dam dure sha Mizoram teh. Duata sal teh. Etu dekha ase ki state kiman kam kurei ase saman lokai ge na border para anei aro lojai khotom kurebole. Monday teh ekta minister para koishe.
Zoram People Movement (ZPM) government, laga head Chief Minister Lalduhoma kun 8 December 2023 power teh ahei. Tai dua sal khotom hoisha office teh ahei toh. State Information and Public Relation Minister B. Lalchhanzova para reporters khan ke koishe ki 54 bunduk aro 28,005 guli dure sha utu dua sal teh.
Tai para aro koishe ki bei dawai alak alak, heroin aro methamphetamine neshena khan, Rs. 318 crore laga dam. Aro bahar para lokai ke anei tamul gute Rs 35.03 crore laga dam police khan para dure sha dua sal teh. Lalchhanzova aro koishe ki government para 338,35.82 quintals fresh ginger loi sha aro khite kurei manu khan ger s 137.72 crore deshe support price laga hesab para. Aro government para 48,602.29 quintals laga jaru kinisha koishe khite kurei manu khan laga hath para.
Tai para aro koishe ki 702 manu first phase teh loan pabole ase koishe etu Hand holding Scheme para. Aro 2,258 manu puisa phane modok pabole ase etu CM laga special Packages laga betor para.
Add Comment