Agencies: Sunday te Sergio Aguero laga hat-trick nimite Manchester City toh Arsenal khilaf te 3-1 para jeetishe. Manchester City etiya Premier League te second position te ase. Aro leaders Liverpool para duita points nichete ase.
Manchester City lag etu jeet para Liverpool ke bishi pressure te rakhi dishe. Liverpool Monday te West ham United laga khilaf te match khelibole ase. Juergen Klopp laga side toh etiya 61 points ase, champions City khan 59 points aro Tottenham Hotspur toh 57 para third position te ase.
Aguero toh City ke Arsenal laga khilaf te 48 seconds bhitor te lead dishe.
City khan para he match toh cholai kena loi jai thakishe. Hoile bhi Arsenal para 11th minute te gae toh level kuri dishe.
Aguero toh break nohuwa laga olop samay agote he aro dusra goal mari dishe.
City laga record scorer toh aro Sterling laga modot para tai laga third goal mari dishe.
Etu Arsenal laga match para Premier League te Aguero laga 10th hat-trick thakishe. Alan Shearer para Premier League te 11 hat-trick laga record banai kena ase. Etu season te Argentine striker para sob competition te bista goals mari kena ase. Agero toh etu tally te choi bar pungchi ase.
Add Comment