NEW DELHI: Jua kali Supreme Court koishe Kolkata Police Commissioner Rajeev Kumar toh arrest nohubo hoile bhi Shillong CBI te ahibole lagibo. Bengal laga chit fund scam investigations nimite sob sobut (evidences) khan anibole koishe aro investigations te cooperate kuribole koishe. CBI khan para officer ke sobut bodoli kura aro doshi (guilty) ke bachabole kosis kura laga inzam lagaishe.
Bengal Chief Minister Mamata Baneerjee para Supreme Coiurt laga order ke democracy laga jeet koishe.
Kolkata police chief toh etiya CBI aro Mamata Banerjee logote lok kuribole ase. Mamata Banerjee toh etiya tai laga indefinite protests laga third din te ase. Sunday saam te CBI team para Rajeev Kumar ke harai kena thaka sobut opor te sawal kurishe. Etu toh Saradha aro Rose Valley chit fund cases opor te ase.
Mamata Banerjee laga Trinamool Congress laga kunba members khan bhi etu laga cases nimite arrest hoishe. Etu toh Special Investigation Team para etu opor te investigate kurishe.
CBI para Supreme Court ke koishe ke Rajeev Kumar laga investigation toh doshi (guilty) companies khan ke bachai ase koishe. Aro etu te police aro doshi thaka companies khan majote te inaction, selective action aro nexus ase. team para sobut (evidences) diya toh complete nohoi aro etu te bodoli kurishe. Kolkata police chief laga khilaf te CBI para tai khan laga affidavit listing allegations banaishe.
Add Comment