TNT News | AGARTALA | February 5:Tripura Pradesh Congress Committee (TPCC) President Birajit Sinha pora Monday te TPCC office bearers logote meeting lowa bicche te khobor korise ki Raja aro Congress laga National Secretary Pradyot Kishore Manikya Debbarma laga naam toh TPCC pora ahiya election te East Lok Sabha seat laga candidate karne dise.
Hoilebi, Sinha pora sabha koise ki fesla toh party high command aro candidate pora lobo.
Sinha koise, “Moi khan pora Maharaj Pradyot Kishore Manikya Debbarma laga naam toh ahiya general election te East Lok Sabha seat laga candidate karne dise hoilebi etu election te hisa lobo na nalobo etu fesla toh tai aro party high command laga opor te ase.”
TNT- The Northeast Today ke kotha koriya samoy te, Pradyot Kishore Manikya Debbarma pora koise ki tai ahiya general elections te hisa nalobo.
Debbarma koise, “Moi Birajit Sinha logote kotha korise aro koi dise ki moi Lok Sabha elections te hisa lobole mon najai. Etiya moi laga sobse dangor maksat toh Citizenship Amendment Bill, 2016 (CAB) ke khilaaf koribole ase aro moi laga maksat te ekko diktari anibole mon nai”.
Etu toh jaaniye ki Pradyot pora CAB logote khilaaf besi kotha bi korise aro political charcha te bi besi hisa loise aro Tripura te NRC mangiya social protests te bi hisa loise. Citizenship Amendment Bill, 2016 (CAB) logote khilaaf thakiya rallies khan sob te bi tai hisa loise.
Citizenship Amendment Bill, 2016 (CAB) logote khilaf tai pora kotha koriya ke Chief Minister Biplab Kumar Deb pora bi Debbarma laga asol maksat ki ase, etu sawal korise.
Debbarma pora CM Biplab laga kotha ke bodnam korise aro koise ki juti Congress party CAB ke monjur hoile tai phat party charidibo.
Add Comment