Kohima District laga veterans aro former Cricketers, tate members khan kono 35 saal aro opor ase, khan Kohima District Cricket Association (KDCA) laga nijete pora 2 February 2019 te High School Ground te logpaise.
Etu logpowa laga samoy te veterans khan pora 25 overs laga friendly exhibition match khelishe. Tweita team te Atha C Angami (President, KDCA) aro Lorhü Sani (V. President, KDCA) pora captain korise.
Etu logpowa laga matlab toh purana cricketers khan ekjun logote mila thakibole aro gua laga halat bi bhal koribo karne ase aro etiya ahibo laga jowan cricketers khan ke mon dangor koribole aro etu game toh Kohima aro Nagaland te mon diye kena khelibo karne bi ase.
Etu jamma koriya te sob pora milaikena fesla loise ki Working Convenor/President logote mili kena block representatives junibo karne. Kile koile etu pora bhal pora “Kohima District Veterans Cricket Club” bonaibo karne.
Add Comment