Ashish Vidyarthi Aru Tai laga Maiki Rupali Barua Accident hoishe

January 4, 2026: Veteran Actor Ashish Vidyarthi para tai nijor laga report janai dishe koishe.  Yete tai aru tai laga maiki  Rupali Barua upor te. Yete tai duijun Guwahati te accident hoishe koishe. Hoilebi tai para fans khan ke janai dishe ki. Taikhan toh jokhum hoa nai koishe. Aru Chinta nakuribole janai dishe. Friday laga rati te. Tai Instagram Live jaishe koishe. Kile koile etea news channels khan te ki ki khobor khan ula nimete. Arubi koishe ki. Tai laga maiki Rupali aru tai duijun toh rasta paar kuri thakhea homoi te. Bike ekta ahi kina tai duijun ke mari dishe . Tai duijun toh eman jokhum hoa nai. Aru Rupali kebi sai ase koishe. Aru Live Video kurea homoi te. Ashish parabi birai kina kotha khan kuri thakhishe koishe. Yete Fans khan ke dikhabole ki, tai toh thike ase aru aram para birabole parea laga. Aru Bike Chula manu bi uthi jaishe koishe. Police para etu actor ke janai dishe koishe. Aru kunbi  jokhum hoa nai aru sob thik thak ase koishe. Aru Actor parabi fans khan ke bishi thanks dishe koishe. Yete taikhan toh chinta hoa karne. Ashish Vidyarthi toh Rupali Barua ke 2023 laga saal te shadi kurishe koishe. Etu laga ageate tai toh Piloo Vidyarthi ke shadi kurishe koishe. Tate tai duijun eki logot 22 saal nishina thakhishe koishe. Hoilebi 2022 laga saal te alak alak hoishe koishe. Aru bacha toh Actor Arth Vidyarthi ase koishe.