London, 6 January : Enzo Fernandez Manchester City laga Premier League title hopes te ekta dangor jhatka dise, jitia tai 94th minute te equaliser mari kene Etihad te manager-nathaka Chelsea karone 1-1 draw snatch korise.
Tijjani Reijnders City ke first half te deserved lead diya ase, kintu second half te City duita central defenders — Josko Gvardiol aru Ruben Dias — injury karone harai dise. Itu pichete last seconds te City duita point waste korise, jitia Fernandez back post te tap-in kori dise.
Itu ekta point matro City ke goal difference hisab te Aston Villa pora uporte loi jai kene second position te anise, kintu leader Arsenal pora tai 6 point pichete ase.
Chelsea, Thursday din Enzo Maresca logot parting ways kora pichete, club laga under-21 coach Calum McFarlane laga caretaker charge te match khelise.
The Blues last 8 league games te matro ekbar jitisile aru table te fifth position te nami jaise, kintu spirited second-half performance karone tai top four pora matro 3 point dur te ahi dise.
City itu match te Rodri ke wapas first start diya parise, October shuru pora tai first start asil. Spaniard khon quickly dikhai dise kele tai duniya laga best player crown paisile, September 2024 te cruciate knee ligament injury suffer kora pichete.
Add Comment