January 13, 2026, 05:27 PM: Itu Poanglüm Mini Hornbill festival laga inaugural programme aru itu event toh hoiley Chang Khulei Setshang para organize kurishey, kuntu toh hoiley Parade Ground, Tuensang tey para loishey, 13th January, 2026 tey, Dy. Chief Minister, Y. Patton tatey Special Guest hisap buhi kena.
Itu occasion tey kotha kuri kena, Y. Patton para Poanglüm greetings convey kurishey, itu Chang Community ke, aru tai para itu Community thanks janaishey, tai ke invite kuria nimitey, itu Grand celebration laga part thakiboley. Tai para add kurishey ki, Tuensang toh hoiley itu mini Nagaland hisap consider kureyishey, kotey bishi tribe khan, itu State laga eke logotey thaki kena ahi asey aru tai para state kurishey ki, Chang Community toh hoiley ekta role play kurey, shanti aru harmony usher kuri kena, itu District laga community khan bhitor tey.
Ekta historical District thaki kena, tai khan toh hoiley itu rich culture aru tradition toh napahuriboley lagey itu community laga, itu nishina festival observe kuria para, itu district tey.
Tai para itu bhi highlight kurishey ki, itu ENPO laga demand toh hoiley forward kurishey itu India laga Government ke.
Itu festival laga alag highlight khan toh hoiley, Chief Host P. Bashangmongba Minister Housing aru Mechanical Engineer para welcome address deliver kurishey; Yimkong Simba para festival laga herald kurishey; W. Chingmak Executive Chairman CKS para theme exposition kurishey; Auching para Poanglüm voice kurishey aru Rev. Achu Chang ES CBLT para invocation kurishey.
Itu Deputy CM ke Forest, Environment aru Climate Change, Village Guard nimitey Minister – C.L. John; Animal Husbandry aru Veterinary Services nimitey Minister – Kazheto Kinimi; Fisheries aru Aquatic Resources nimitey Advisor – A. Pangjung Jamir; MLA, Neiba Konyak; MLA, Lima Onen aru MLA, Imtichuba Chang aru dignitary khan laga Host para accompany kurishey.
Itu festival toh hoiley Log Pulling, Cultural Presentation aru Indigenous game khan, Tug of War aru Wrestling para mark kurishey.
Add Comment