January 15, 2026: Singapore laga Prime Minister Lawrence Wong para Indian manu Pritam Singh kun Workers laga Part Chief ase, tai ke Leader of the Opposition (LoP) te para olai de she, aro Opposition party khan ke alak Member of Parliament (MP) ke hale de be koishe.
Thursday te, Mr. Wong para ekta statement te koi she ki, etu mamla te beshe babea piche, tai Singh laga criminal convictions khan karne, Parliament khan logo te khota kurea piche, tai ke ola idea ase LoP para. Etu order toh etia effect tea he jabo koishe. Mr. Wong aro koi she ki, etu tare ka lobole lagea, Law laga rule toh othai kena thake bole, aro Paliament laga Dignity aro integrity karne.
Etia toh Singh toh LoP laga lap khan napa bo, parliamentary laga debates khan te first khota kure bole napare bo, aro khota kure bole be time komti pabo, aro puisa be komti pabole ase.
Ekta district court para koi she ki, Singh toh dua bar misa koi she parliamentary committee khan ke. Tai laga appeal be dismiss kure deshe koishe.
Singh kun 49 sal ase, tai toh Workers party (WP) laga secretary general ase, tai ke ja sal laga February te convict kure she, mesa ko laga opor te. Tai ke $10,700 fine de she. August 2021 te Khan toh resign kure she Parliament para.
Add Comment