ABOARD A US MILITARY AIRCRAFT: Sunday te Middle East American forces ke sa laga top US commander koishe United States toh tai khan laga ground troops khan toh Syria para wapas ghurai lubole ase. Etu toh olop hafta bhitor te suru hoi jabole ase. Etu withdrawl toh President Donald Trump para order dishe.
U.S. Central Command laga U.S. Army General head Joseph Votel koishe ke wapas ghurai ahibole laga exact timing toh Syria laga situation opor te he ase koishe. U.S.para saath diya fighters khan toh ISIS laga khilaf te akhri (final) larai suru kuri dishe. Etu toh Iraqi border osor te ase.
U.S. military khan toh Syria para saman khan toh wapas loi jabole suru kuri dishe. Dui hazar American troop khan toh ketiya ghurai jabo huda samay te Votel koishe etu toh hafta majote hoi jabo. Hoile bhi aro etu toh Syria laga situation toh kenika hubo etu opor te he sob toh hubole ase.
Votel para reporters khan ke koishe wapas ghurai ahibole laga kotha tea mi khan toh thik disha te ase. Votel para tai logote Middle East te jai thaka reporters khan ke koishe.
Manu khan para bhi saman toh he hatabole bishi dikdar ase.
December te Trump para achanak para American troops khan Syria para wapas ani lubole laga kotha para defense secretary Jim Mattis toh kaam para resignation dishe. Aro etu nimite US military officials khan ke withdrawal plan banabole dikdar kuri de kena thakishe.
US troops khan ke wapas ghurai anibole modot kuribole aro bishi troops khan Syria te jai kena ase.
U.S. officials khan koishe ke US troops khan ke Syria para ekdam para olai dibole toh march nohoile bhi April tok lagibo koishe. Hoile bhi larai khan nimite thik samay toh kubolo bishi dikdar ase.
Add Comment