London, 27 January : 2026 BAFTA Film Awards laga nominations January 27 te announce hoise, aru itu te duniya bhar laga film khan ke spotlight dise.
Paul Thomas Anderson laga political action thriller One Battle After Another sobse besi, total 14 nomination paise. Itu pichete Ryan Coogler laga blues-inspired vampire drama Sinners, jitu 13 ta nomination paise.
India laga hisab te, Farhan Akhtar ekta international honour paise 2026 BAFTA Film Awards te. Tai laga Manipuri-language production Boong, Best Children’s and Family Film category te nomination paise. Itu saal India pora ekla filmmaker hisab te Farhan Akhtar ke nomination dise.
India laga presence itu prestigious awards te bhalke dikhai dise.
Manipuri-language coming-of-age drama Boong ke Best Children’s and Family Film category te nomination dise, jitu Indian regional cinema karne ekta dangor moment ase.
Film tu Lakshmipriya Devi direct kora, aru Farhan Akhtar, Vikesh Bhutani, Alan McAlex, Ritesh Sidhwani aru Shujaat Saudagar milikene produce kora. Film te Gugun Kipgen aru Bala Hijam act korise.
Boong 2024 te Toronto International Film Festival laga Discovery section te premiere hoise. Pichete itu film ke bishi global festival te screen korise — Warsaw International Film Festival 2024, MAMI Mumbai Film Festival 2024, 55th International Film Festival of India, aru Indian Film Festival of Melbourne 2025.
Overall awards race te, Chloé Zhao laga Hamnet aru Josh Safdie laga Marty Supreme duita film e 11 ta nomination kore paise.
Best Film category te nomination paoa film khan ase:
One Battle After Another, Hamnet, Marty Supreme, Sinners, aru Norwegian drama Sentimental Value.
Best Leading Actor category te nomination paa actor khan ase:
• Robert Aramayo (I Swear)
• Timothée Chalamet (Marty Supreme)
• Leonardo DiCaprio (One Battle After Another)
• Ethan Hawke (Blue Moon)
• Michael B. Jordan (Sinners)
• Jesse Plemons (Bugonia)
Best Leading Actress category te competition ase:
• Jessie Buckley (Hamnet)
• Rose Byrne (If I Had Legs I’d Kick You)
• Kate Hudson (Song Sung Blue)
• Chase Infiniti (One Battle After Another)
• Renate Reinsve (Sentimental Value)
• Emma Stone (Bugonia)
Supporting Actor category te One Battle After Another pora
Teyana Taylor, Benicio del Toro aru Sean Penn ke nomination dise.
BAFTAs etiyao eneka performance khan ke highlight korise juntu aur jagate besi recognition napai — jine Paul Mescal (Hamnet) aru Odessa A’zion (Marty Supreme).
EE BAFTA Film Awards ceremony February 22 te London te hobo, aru actor Alan Cumming host koribo.
BAFTAs ke Academy Awards laga age pora ekta dangor indicator hisab te sab follow kore, jitu March 15 te hobo.
Add Comment