New Delhi, 28 January : Tuesday rati Arijit Singh laga ekta single announcement internet pura hilaidi dise — tai playback singing pora piche hoi jabo kuina announce kori dise. Prothome X (Twitter) te, jun handle tou bishi din pora tai laga kuina speculate kora hoi ase, tai laga tweets diya hoise, aru itu pichete Instagram te official handle pora post kori tai likhise,
“Hello, Happy New Year sobke. Itu sob saal moi ke iman bhalpa diya karone moi sob listeners ke dhonyabad dibo bisarise. Moi khushi pora announce kori asu ki etiya pora moi playback vocalist hisab te notun assignments napabo. Moi etu bondho kori disu. Etu ekta bohut sundor journey ase.”
Itu announcement pora industry aru fans naturally shock hoise. Kintu HT City jetiya Arijit laga khub close thaka kisu logot kotha patise, tai khan koi dise ki sob kotha jiman simple dekha jai, iman simple nohoi.
Kowa jaise ki Arijit laga debut film te Nawazuddin Siddiqui laga jiyori Shora act koribo.
Arijit aagey tweets te clarify kori dise ki tai music bonua bondho nokoribo. Tai likhise, “Clear kori dibo bisarise ki moi music bonua bondho nokoribo.” Jetiya ekjon fan tai ke “your inappropriate decision justify koro” kuina hudise, Arijit reply dise, “Justify my inappropriate decision!!?”
Aru ekta tweet te tai add kori dise, “Moi kunba pending commitments complete koribo ase, itu khan moi finish Koribo, etu karone itu saal kunba releases apnikhan pai jabo pare.”
Tai laga decision te react kori ekjon fan likhise, “itu Virat Kohli laga test retirement jiman shock level.” Aru ekjon likhise, “Tai jiman koi dise, tai music bonabo, kintu vocalist hisab te available nohoi. Kom-kom select kora gaan hee gabo lagise, kintu etu tai laga faisla. Moi tai ke best wish korise.”
Add Comment