21 Savage $100,000 Bail Pora Ulai Dibo

 Rapper, 12 umar te US tea hi kena dhaloa,etya visa somoy bar hoi kena dhakiya karne custody te ase.

UK-born rapper 21 Savage, immigration charges te US te dhura,manu toh Wednesday te custody pora ulai dibo tai laga Lawyer pora koise.

21 Savage – ashol nam Sha Yaa Bin Abraham-Joseph –ke 2 February te Immigration and Customs Enforcement (ICE) pora visa laga somoy khodam hoi kena dhakiya karne dhurise,Hoile be tai laga legal team pora toh tai ke galti pora dhurise koise.

Tai Georgia laga custody te no din dhakise hoile be Tuesday te tai ke mani se.

26 umar  British national US te tai 12 sal pora ahise, aro tai toh teenta American citizens bacha laga papa ase.

Tai toh “U visa” karne apply kurise,tai laga lawyer pora koise 2013 te tai bandhuk mariya pora bachi se.

Atlanta US immigration court Judge Dan Pelletier pora tai ke $100,000 (£77,000) bond ke Tuesday te manise.

ICE pora koise star logot te 2014 laga drugs offence laga criminal record ase – Hoile be 21 Savage laga legal team pora koise etu toh record pora be hadai dise.
Rapper ke tweita Grammy Awards karne nominate kurise- Post Malone logot kura Rockstar record of the year be milai kena.