BEIJING: Wednesday te khobor hesab te Chinese President Xi Jinping toh Beijing te top US officials khan ke lok kuribole plan kuri ase. Khobor hesab te meeting toh etu haft ate hubole ase. Duniya laga duita sob para dangor economies toh looming deadline nopungcha agote tai khan laga trade differences toh thik kuribole mon ase.
South China Morning Post khobor kurishe ke Friday te Xi toh officials khan ke lok kuribole ase. Etu officials te toh US Trade Representative Robert Lighthizer aro Treasury Secretary Steven Mnuchin bhi thakibole ase. Tai khan toh etiya capital te trade deal laga crunch talks nimite ahi kena ase.
South China Morning Post koishe Xi toh riday din te Lighthizer aro Mnuchin duijon ke bhi lok kuribole program ase.
US officials aro tai khan laga Chinese counterparts toh Thursday aro Friday te lok kuri kena kotha kuribole ase.
US President Donald Trump koishe ke China trade deal laga kotha toh tai March 1 tok extend kuribole sabo koishe.
Trump para White House te reporters khan ke koishe ke judi ami khan toh asol deal laga osor te ahishe koile toh ami toh etu ke olop samay nimite slide kuribole dibo.
Hoie bhi Trump aro koishe generally kotha kuri as eke moi toh etu kuribole genika toh nohoi.
Kotha ahishe ke trade negotiation laga third round kotha toh Beijing te dubara suru hubole ase. Etu toh Chinese imports te $200 billion para tariff toh double kuribole bisari ase.
China toh etu deal bishi biya para banabole mon ase. Aro kotha hesab te toh sob thik para he jai ase.
Add Comment