WASHINGTON: British Broadcasting Corporation para White House ke security arrangements khan toh thik para sabole koishe. Khobor hesab te Donald Trump laga rally te BBC cameraman opor te hamla hoishe koishe.
BBC cameraman Ron Skeans opor te Trump ke saath diya manu para hamla kurishe. Trump laga supporters khan para anti-media slogans halla kuri kena cameraman opor te hamla kurishe. Etu toh Monday saam te El Paso te US president laga rally te hoishe.
Skeans toh eku jokom huwa nai. Aro mota kun “Make America Great Again” laga topi (hat) lagai kena thakishe tai ke blogger para rukhaishe.
Tuesday te BBC laga Americas bureau editor Paul Danahar tweet kuri kena koishe ke tai White House laga Press Secretary Sarah Sanders ke koishe ke jua rati laga hamla pichete security arrangements khan toh bhal para sabole koishe.
Danahar koishe media laga jaga te ahibole para toh unsupervised thaka laga kotha ase.
Law enforcement para kun bhi hamla huwa laga agay, nohoile bhi huwa samay te nohoile bhi hamla huwa pichete ahanai koishe.
Danahar koishe kun security agency para bhi etu ghatna rukhabole kun bhi joldi para action toh luwa nai koishe.
White House Correspondents Association para etu hamla opor te biya pa janaishe.
Add Comment