NEW YORK: Tuesday din US Midwest te te borop toofan aro thanda baris nimite schools khan bon thakishe aro bishi flights khan bhi cancel hoishe. Aro etu nimite saam laga New York aro Boston ekdam bhir samay te ahibole expect kuri ase.
Maryland College Park laga National Weather Service logote meteorologist Dan Petersen koishe New England laga inland hissa khan te borop toh 1 foot (30 cm) tok expect kuri ase. Aro New York te 4 inches (10 cm) tok expect kuri ase aro Boston te 5 inches (13 cm) tok expect kuri ase. Aro din te toh ekdam thanda baris gerishe.
FlightAware.com hesab te Tuesday din te United States te ahibole arp jabole laga 1,600 flights genika cancel hoishe. Etu flights majote bishi toh Chicago, New York aro Boston laga airport para ase.
Add Comment