Odisha, February 7, 2026: Friday te India toh thik para test fire kure she nuclear laga hatera Agni-3 ballistic missle, Odisha laga Chandipur te, etu missile toh 3,000 kilometers jabole parea koi she.
Etu missile toh Strategic Forces Command (SFC) laga manu para launch kure she, regular training hesab te. Missile toh bana laga jaga te para othai kena, test fire kure she koi she, aro koi she ki SFC khan ke enia weapon system sabole laga kam de kena ase. Etu launch te tai khan jane bole pare she ki, missile toh thik para kam kurea ase. Tai kham missile toh Bay of Bengal te mare she koi she.
Defence Research and Development Organisation (DRDO) laga sources khan para koi she ki, mission laga aim khan sob punche she. Missile toh 17 meter lamba ase. Agni-3 toh tai laga class laga sob se kara missile ase, aro armed forces khan already chola ase. Missile toh 1.5 ton saman bukhe bole pare bo, aro 3,000 kilometer dur jabole pare bo koi she.
Add Comment