New Delhi, 11 February : Aakriti Dahiya, 24 saal laga, Tuesday dinot ongoing Asian Championship (rifle aru pistol events) te 50m rifle 3 positions event te silver medal jitishey. Olympian Anjum Moudgil bronze medal loi ase. Kazakhstan laga Sofiya Shulzhenko 358.2 score kori podium laga top te finish korise itu ekta notun world record ase.
Final te aru ekta Indian shooter Aashi Chouksey 330.9 score loi medals pora bahar te thakise.
Itu shooters khan laga accumulated total (1756-86x) pora India women’s team event te silver medal jitise.
Age qualification round te Anjum bhal perform korise, 587 points loi third position te finish korise. Interesting kotha hoile Aakriti qualification te 583 points loi seventh position te finish korise.
Aru ekbar, ekta RPO (Ranking Points Only) athlete spotlight loi loise. Vidarsa Kochalumkal Vinod 590 points loi chart laga top te thakise. Tai Prone position te matro ekta point drop korise.
Add Comment