UP, 11 February : Actor Shreyas Talpade etiya ekta controversy te phasise, Uttar Pradesh laga Mainpuri district te register howa ekta FIR te tai naam ahise, aru tai logote aru 12 jon manuh. Itu FIR tu alleged investment scam karone file kora hoise. News agency ANI laga latest update anusar, case tu Tuesday, February 10 te Bhogaon police station te register kora hoise.
Report anusar, Mohalla Mishrana laga ekta resident e actor aru tai associates ke accuse korise ki investment laga naam te taikhan tai pora lakhs taka thogise.
Complaint te detail diya ase ki Shreyas Talpade aru tai associates allegedly Mumbai laga ekta bank branch pora investment scheme dikhaikena, Mohalla Mishrana area te thaka gaon laga manuh khan pora lakhs dupe korise.
Court laga order pora police etiya itu mamla investigate kora shuru korise. Actor etiya allegations uporte eku respond kore nai aru eku comment diya nai.
Shreyas Talpade ekta actor, director aru producer, kun Bollywood aru Marathi cinema duita te kaam kore. Tai 2005 te Iqbal film pora lead role te debut korise. Tai notable films khan hoile Dor, Golmaal, aru Om Shanti Om.
Ahia time te tai Welcome to the Jungle film te dikha jabo, kun Welcome film series laga third part. Ahmed Khan direct kora itu film te 30 pora bisi actors laga dangor ensemble cast ase, kutey Akshay Kumar, Suniel Shetty, Jackie Shroff, Raveena Tandon, Disha Patani, Jacqueline Fernandez, Arshad Warsi, Paresh Rawal, Rajpal Yadav, Johnny Lever, Aftab Shivdasani, Lara Dutta, Tusshar Kapoor, Daler Mehndi, Farida Jalal, Krishna Abhishek, Kiku Sharda, Kiran Kumar, Mukesh Tiwari, Yashpal Sharma, Vindu Dara Singh, Nawab Shah, Urvashi Rautela, Puneet Issar, Arjun Firoz Khan, Late Pankaj Dheer, Sudesh Berry, Hemant Pandey, Zakir Hussain, aru Sayaji Shinde ase.
Itu comedy-drama film tu June 26, 2026 te theatres te release hobobole ase.
Add Comment