Zahedan, Feb 14, IRAN: Wednesday southeastern Iran laga dangor naam thaka Sunni cleric para Islamic Revolution Guard Corps (IRGC) bus opor te attanki hamla kura nimite biya pa janaishe. Tai koishe etu hamla toh dusman khan laga interest opor te ase.
Molavi Abdul Hamid para statement te koishe etu attanki hamla te Sistan-Baluchestan te thaka manu khan he bishi duk paishe. Sistan-Baluchestan te thaka manu khan toh shanty aro azadhi laga favor te thaka manu khan ase. Molavi Abdul Hamid toh Zahedan te Sunnis Makki Mosque laga Friday prayer leader ase.
IRGC personnel ke bhuki thaka bus opor te suicide bomber khan para hamla kurishe. Etu ghatna toh Khash-Zahedan rasta te hoishe. Etu nimite bishi dozens manu nkhan murishe aro jokom hoishe.
Official sources koishe etu attanki hamla te 27 manu mura laga khobor pai ase. Aro etu hamla toh Jaish al-Adl attanki group para kura claim kuri ase.
Sistan-Baluchestan laga Governor General Ahmad Ali Mouhebati para Wednesday din te Islamic Revolution Guards Corps (IRGC) bus te huwa hamla nimite province te teen din mourning rakhishe. Etu ghatna te bishi dozens manu khan murishe aro bishi manu khan jokom hoishe.
Etu attanki hamla opor te biya pai kena aro jokom aro mura khan laga families khan ke apsos thaka janai kena province te teen din apsos (mourning) kuribole declare kurishe.
IRGC Ground Force laga Quds Headquarters te Public Relations Department para statement te koishe ke Khash-Zahedan rasta te huwa suicide hamla te manu bishi murishe aro jokom hoishe.
Add Comment