Mumbai, 12 February : ICC Men’s T20 Cricket World Cup te, kali rati Wankhede Stadium, Mumbai te Group C laga match te West Indies pora England ke 30 run pora haraise. First bat kori kene, West Indies pora 20 over te 6 wicket loss te 196 run banise, Sherfane Rutherford laga unbeaten 76 run laga madad pora. Reply te, England team 19 over te 166 run te all out hoise. West Indies karone Gudakesh Motie tinta wicket loise.
Duita number match te, kali Colombo te Group B laga match te Australia pora Ireland ke 67 run pora haraise. First bat kori kene, Australia pora 20 over te 6 wicket loss te 182 run banise. Itu pichete, Ireland team 16.5 over te 115 run te all out hoise.
Trita number match te, Ahmedabad laga Narendra Modi Stadium te exciting double Super Over contest te South Africa pora Afghanistan ke olop margin pora haraise. First bat kori kene, South Africa pora 20 over te 6 wicket loss te 187 run banise. Afghanistan team 19.4 over te 187 run te all out hoikene Super Over force korise. First Super Over te Afghanistan pora 17 run banise, aru South Africa pora itu equal kori dise. Second Super Over te, South Africa pora 23 run banise, jitia Afghanistan pora 19 run he banabo parise, aru Proteas ke 4 run laga victory milise.
Add Comment