Mumbai, 16 February : itia tou sab manu jane lage ase ki Rashmika Mandanna aru Vijay Deverakonda 10 din bhitor shaadi kori bole ase. Ketiya Rashmika Mumbai airport te paparazzi ke Monday din congratulate kori bole ahise, tai koise ki tai eku najane. Kintu etiya Vijay pora patha subhalekha (biya invitation) online te ghuri ase.
Monday din, Vijay pora patha shaadi reception invitation social media te viral hoise. Actor tu nijor pora eku kowa nai, kintu ekta source pora Hindustan Times ke confirm korise ki invitation tu asol ase. Invitation tu floral border thaka kagaz te print korina ase, aru upor phale Vijay Deverakonda laga logo dangor te emboss korina ase. Invitation te etu bhi likha ase ki etu Vijay pora nijor aru Rashmika duijon pora pathaise.
Vijay aru Rashmika traditional South Indian style te shaadi koribo, kutey khali close family aru friends he thakibo. Shaadi laga ceremony February 26 te Udaipur te hobo, aru film industry laga friends khan nimite Hyderabad te reception dibo.
Taijun age te Geetha Govindam aru Dear Comrade te kaam korise, aru etiya taijun milikena Ranabaali te bhi kaam koribo. Taijun October 3, 2025 te Hyderabad te ekta chup-chaap ceremony te engagement korise.
Add Comment