Shah Rukh Khan toh Salim Khan logote ahishe koishe. Lilavati Hospital te

February 22, 2026: Shah Rukh khan toh Salim Khan logote bar bar ahea toh dikhibole parea ase. Lilavati Hospital te. Yete etu veteran toh gao thik nahoi kina hospital te admit hoa pichete. Yete Shah Rukh khan toh Hosiptal te ahea laga video han toh dikhibole parea ase. Aru etu video khan toh Social media khan pura te dikhea ase. Yete para tai laga fans aru Paparazzi khan bishi ahea ase koishe. Salim Khan (90) toh February 17 laga phuzur te. Mumbai laga Lilavati Hospital te admit hoishe koishe. Yete tai toh Dimak te olop jokhum hoa toh jani pa pichete. Aru tai laga blood pressure bi achanak para uthi thakhea koishe. Reports khan laga hisab te. Taike Ventilator Support te dali kina ase koishe. Hoilebi tai laga Physician, Dr. Jalil Parkar para koishe ki. Tai laga Screenwritere toh Hemodynamically stable ase koishe. February 18 din te. Doctors para koishe ki. Taikhan investigation kuri kina utu din olop operation kurishe. Yete DSA toh Neurosurgeon para kurishe aru successful hoishe koishe. Tai toh thikea ase aru taike ICU te dali dishe koishe. Aru Feb 19 din te Ventilator toh uali dibole ase koishe. Etea Khan laga family members khan toh etea bishi din karne Hospital te ahi kina ahea ase. Shah Rukh khan bi ahishe. Actor toh khali Salman Khan logote nai kina. Tai laga baba Salim khan aru family khan kebi bishi osor aru Professional relationship ase koishe. Aru video te Shah Rukh khan toh Hospital te bishi bar ahea toh dikhi pai ase. Aru tai toh Reporters khan toh kotha toh kurea nai, hoilebi tai ahea nimete fans khan bi bishi khushi pai kina ase koishe.