Tseminyu, February 23, 2026: Nutun IPR Office building laga inauguration programme toh 23 February, 2026 te thake she Tseminyu te, Building toh Orenthung Lotha, IAS Commissioner & Secretary, Information & Public Relations and Cooperation, Government of India, para formally inaugurate kure she, kun programme laga special guest thake she.
Orenthung para programme te khota kurea homoi te koi she ki, Tseminyu toh ekta unique aro vibrant district ase enia infrastructure pabole. Tai koi she ki etu nutun building toh sob se bhal departmental office ase distrci te. Tai manu khan ke etu office toh bhal para chola be koi she. Tai thanks koi she former Advisor IPR Late Imkong L Imchen aro Chief Minister Dr. Neiphiu Rio ke etu building project karne. Tai koi she aro ki, aha census te jankari khan sob hosa aro thik thake bole lagea, tai koi she ki census data forms khan policy bana aro development planning laga foundation ase. Data khan thik natha ke jai le toh manu khan pabole lagea khan napai jabo.
Director Dzüvinuo Theünuo, Department of Information & Public relations laga senior officials, ADC Tseminyu Mhomo Tungoe, Tseminyu laga IPR staffs aro Directorate, building laga contractors aro alak guest khan thake she programme te.
Add Comment