Wokha, 26 February 2026: Regional Transport Authority (RTO), Wokha pra application invite kuri shey eligible candidates pra Wokha district laka Two-wheeler taxi permits karne Regional Transport Authority, Wokha ke allotted. Eligibility criteria lageh ki applicants khan indigenous inhabitants aro permanent residents hubo lageh Wokha district laka, valid Aadhaar aro Scheduled Tribes certificates thakibo lageh, valid two-wheeler driving license aro unemployment certificate thakibo lageh competent authority pra issued kura. Applicants khan 20 aro 40 saal bech te thakibo lageh application la time te. Application forms toh issued kuribo February 24, 2026 pra Deputy Commissioner, Wokha la office te aro last date admission karne toh Marc 27, 2026 ase. Incomplete application toh summarily reject kuri dibo. Shortlisted candidates khan ekta two-wheeler riding test aro interview kuribo, details toh olop deri hoina intimated kuribo. Ekta undertaking toh banabo lageh malik pra nahoi leh two-wheeler taxi la permit holder pra.
Terms aro conditions specify kureh ki two-wheller proposed kura to brand new hubo lageh, engine capacity 125 cc nahoi leh opor lokot. Permit issued kura toh non-transferable ase, valid ase initially pass saal karne aro renewable ase alak pass saal nimite. Permit dhura manu toh personally taxi operate kuribo lageh, kun toh alak manu pra chulabo napareh. Rider toh yellow helmet chulabo lageh aro yellow half-vest ‘TAXI’ clearly likha back te. Section 129 of Motor’ Vehicles Act, 1988 under te mandate kura nishina, rider aro pillion rider b ISI-certified helmet chulabo lageh. aro khali ekta pillion rider he permit ase.
Add Comment