Agencies:Charta government laga head Poland laga Mateusz Morawiecki, Czech Republic laga Andrej Babiš , Slovakia laga Peter Pellegrini, aro Hungary laga Viktor Orbán toh February 18-19th te Jerusalem te juma kurishe.
January 1 Brazil te Israeli Prime Minister Benjamin Netanyahu aro Orbán meeting toh discuss kurishe. Etu toh Brazilian President Jair Bolsonaro laga inauguration te kurishe.
Netanyahu para V4 Summit laga meeting host kuribole poila offer kurishe. Etu toh 1015 te Budapest te visit kura samay te koishe. Netanyahu etu meeting kuribole tai khan jaga te propose kura toh Israeli—Palestinian larai toh khotom kuribole European Union laga policies toh namabole modot kuribole hope para kurishe.
Aha moina te meeting huboe thaka te Visegrad Group te focus kuribole paribo. Visegrad Group laga modot para Israel khilaf te union laga unfair policies logote larai kuribole Netanyahu consider kuri ase.
Hoile bhi sob manu toh etu meeting opor te khushi nai. Israel laga centrist leaderYesh Atid party Yair Lapid Netanyahu ke mati kena summit toh cancel kuribole koishe. Tai hesab te Orban para anti-Semitic campaign led kurishe aro Poland laga Morawieczki para law toh pass kurishe. Netanyahu para Orbán ke Israel laga asol sathi koishe. Orban para anti-Semitism aro Jewish jeevan nimite bishi larai kurishe koishe.
Add Comment