Sydney, 11 March : India AFC Women’s Asian Cup 2026 pora exit hoise ketiya tai Chinese Taipei logote 1-3 pora harise Group C laga last match te. Match tu hoise Western Sydney Stadium te Sydney, Australia te Tuesday din.
Chinese Taipei first half sesh howa time te 2-1 te lead kori thakise. “Mulan” team tu early lead loi loise ketiya Su Yu-hsuan 12 minute te goal mari dise. Itu pichete Manisha Kalyan 39 minute te goal kori India ke equalise kori dise.
Kintu first half laga extra time te Hsu Yi-yun (45+8’) Chinese Taipei ke lead di dise. Second half te Chen Yu-ting 77 minute te aru ekta goal kori lead barhai dise, aru etu pora India tournament pora out hoise.
Add Comment