F1 Para Bahrain aro Saudi Arabia Grands Prix cancel kure de she

March 15, 2026: Bahrain aro Saudi Arabian Grand Prix kunto April te thake bole thake she, cancel hoi jai she, Middle East laga war karne. Bahrain laga event, kunto Sakhir te thakea 10-12 April te thake bole thake she, aro Saudi event kunto Jeddah te thake, etu toh aha hafta te thake bole thake she. Race laga date be change nakure bo aro alak be nahale bo koi she. Etu F1 season te 22 race he thake bole ase, aro Japanese Grand Prix aro Miami GP laga betor te pasta hafta laga gap thake bole ase koi she. Japanese GP toh 27-29 March te thake bole ase. Aro Miami GP toh 1-3 May te thake bole ase. Duata race kate dea toh, sport toh commercially duk pabole ase $100 million neshe na, Bahrain aro Saudi Arabia ase, kun sob beshe puisa dea host kure bole fee. Puisa toh 11 teams aro F1 laga betor te bhak kurea. Saudi laga sports minister Abdulaziz bin Turki Al Faisal para koi she ki, country toh ready thake she race toh host kure bole. Hoile be tai khan respect kurea F1 laga calander alak kurea dea toh.