New Delhi, March 20, 2026: Australia laga dangor khelari Pat Cummis, Michell Starc aro Josh Hazlewood khan IPL 2026 laga shuru te khele bole napare bo koi she, aro pacer Josh Ellis toh jokhom karne khele bole napare bo koi she. Etu khobor toh cricket.com.au para confirm kure she Friday te.
Hoile be Australia laga ace Starc, Cummins aro Hazlewood khan thake be IPL 2026 kickoof karne, kunto March 28 te ase. Cricket Australia (CA) khan kile enia kurea ase koi le toh, tai khan laga veteran pacer toh 12 moina karne khele bole ase, etu te tai khan 21 matches khele bole ase, South Africa, India aro England tours neshe na te, aro 2027 laga last phane te, tai khan ODI World Cup defend kure bole ase southern Africa te.
Test captain Cummins toh ekta Test match khale khele she England khan logo te, Ashes series te ja sal, komor jokhom pa karne. Aro Hazlewood ke toh Ashes series te khele nai, tai laga hamstring aro achilles te jokhom pa karne. Tai ICC Men’s T20 World Cup be khele bole pare nai.
Starc toh sob pasta Ashes Test khele she, aro Big Bash League te be khele she, hoile be tai T20 World Cup toh khele nai, ja sal T20Is te retire ho piche.
Add Comment